不跪不跪還須跪！因侵權而被中國法院下禁售令的蘋果(Apple)，一度拒絕簽收法院裁決書(請按此重溫)，但最新消息指，蘋果最終都係要向現實低頭，表明會尊重法庭裁決，「盡一切方法遵守法庭命令(to address any possible concern about our compliance with the order)」。

據《中新網》今日報道，蘋果宣布會立即採取措施以遵守法庭禁售令，不過呢頭話尊重裁決，嗰頭就話會再向福州法院提出複議，擺到明就係唔受服禁令。然而早前法院已表明「不可上訴，沒有二審」(請按此重溫)，所以蘋果呢個如意算盤睇怕都好難打得響囉。

走法律罅 以避禁令？

至於蘋果所謂嘅「採取措施」以遵守禁令，似乎就有走精面之嫌喇！由於高通(Qualcomm)入稟控告蘋果侵權時，現時最新型號的三部iPhone(XR, XS, XS Max)尚未推出市面，故不受禁售令影響；於是蘋果就話只要將舊款iPhone的iOS11系統升級至與新款iPhone一樣的iOS12系統，便可不受禁令限制。對此無賴行徑，高通亦火速回應，指即使蘋果升級系統，依然受禁售令限制。

到底蘋果搞小動作可否逃過禁售令，還須看法院裁決。但可以預見，喺華為5G慘遭歐美打壓、孟晚舟被美加合謀拘捕等多種因素下，美國手機只會慢慢畀中國人離棄，因為中國人一定會撐中國品牌！

原圖：網絡圖片

http://www.stickpng.com/img/electronics/iphones/iphone-broken-screen