一不離二，曾俊華又唔出席行政長官論壇。昨晚，由民主思路舉辦的選舉論壇，曾以「冇時間」作託詞，未有現身。今日，保險業聯會舉辦特首論壇，恰巧又不見曾的身影，只有林鄭月娥及胡國興出席，究竟John曾去哪兒？原來他去了看香港拳王曹星如練習。忙什麼？明白晒！ 昨晚，林鄭與胡官唇槍舌劍，除有睇頭外，亦可令市民更深入了解候選人政綱。可能John曾視政綱如浮雲，認為有民望就毋須再多作解釋，不僅避席一場，更來個「好事成雙」，今日又缺席另一場論壇。不諳時事者，還以為香港只有兩位候選人競逐特首。

自己唔落場，鍾意睇人打？

究竟John曾去哪兒？昨晚其行程，小編就不得而知，不過今日則網民皆知——他現身上環的拳館看曹星如練習，並為他打氣，更於Facebook進行直播。對於行政長官選戰，曾俊華表示將與另一位候選人林鄭「對打」，要「打過先知」。 當然，前財爺尚武，大家早有耳聞，修習洪拳更有心得，曾接受雜誌訪問，直言「打得」之外，亦要有武德。話雖如此，唔知呢位「打唔打得」嘅前財爺，每逢選舉遇埋身肉搏，未打就做失蹤人口，究竟係咩玩法呢？最怕一不離二，二不離三，咁似乎係「冇德」喎…… 圖︰曾俊華Facebook影片截圖、無綫新聞截圖 https://www.facebook.com/johntsangpage/?fref=ts

投票已截止，多謝支持