【HKG訊】泛民自從於選委會選舉奪逾300席後，不但沾沾自喜，仲日想夜想成為造王者。可惜，他們直到現在還未能達成共識，甚至開始出現語無倫次的跡象。
話說公民黨議員郭榮鏗昨天接受訪問時說︰「我們收到很多訊息，就是一定要有競爭選舉，香港人最基本期望，所以提名同投票分開處理，我提名一個人不代表支持一個人，所以我們對他尤其是831立場，我對他仍然有一個很大期望。」郭榮鏗的「他」不知是指曾俊華還是胡國興，因為泛民話會支持這兩位參選人，但他竟夠膽死話「我提名一個人不代表支持一個人」，提名提得咁辛苦，為乜呢？
網友斥泛民剝奪投票權
著名導演高志森隨即在Facebook回應郭榮鏗：「『我提名一個人唔等於我支持一個人』～我覺得講呢句說話嘅人應該係精神分裂。」高導演又揶揄指：「
律師話：同妳註冊唔代表同妳結婚……」真係一語中的，完全秒殺郭榮鏗的低能邏輯。
對於高導的留言，網民紛紛回應。有人指，「
佢咁講只係重新試圖解釋高生問的問題，就係點解話831係爛橙，唔要！但係而家又成班成廢柴又爭住入去做小圈子投票！如果佢話無期望，咁人哋又會問點解佢哋當日唔袋住先，後來入爭入做選委……」亦有網民笑言「提名同支持系（係）兩件事，我聽完以為自己有幻聽！」
也有網民突破盲腸，指摘泛民「
係佢班人，唔俾(畀)我有得投票選特首，自己就有得選」；「有邊個反對派唔係精神分裂？根本全部都係青山走犯，提名佢，但唔支持佢，但又要對佢有期望？想點呀？媽呀⋯⋯我好亂⋯⋯我都精神錯亂了⋯⋯」；「這確是他的真心話，他口中永遠標榜人權民主自由法治，但幹的都是違反人權民主自由法治的事」。
其實，泛民伎倆都用得七七八八，自然不斷自打嘴巴，慢慢自己揭破自己真面目。
原圖：HKG報、大公報、環球網
http://finance.takungpao.com.hk/dujia/2015-02/2926616.html
http://www.takungpao.com.hk/hongkong/text/2016/1110/36916.html
http://china.huanqiu.com/gangao/2016-10/9610170.html
投票已截止，多謝支持
返回
