去旅行搭車又搭船，感到疲勞都在所難免，但今集Chill好傾講嘅實在可以用「恐怖旅行」、「恐怖情人」嚟形容！話說，日前有一對台灣情侶嚟香港旅遊，原本打算去迪士尼玩，豈知男友唔知醒去唔成，全日進入冷戰狀態，豈知晚餐後返酒店，雙方終於嘈大交，而女友就嬲到用鬚刀割佢背部，之後再用眉刀自殘。最終，驚動酒店職員報警，女方被捕，暫列傷人及企圖自殺案。

唉！好好地去個旅行，最終又流血又被捕，大家話有乜為呢？而講到恐怖情人，原來主持都有經歷過！欲聽故仔，一齊去片！

仲有記得逢星期一、五晚上，準時收聽我哋Chill好傾，同你茶餘飯後，笑談新聞。