台灣民進黨當局為滿足政治私利，害慘一班移台港人！一個擁有過8萬訂閱人數嘅香港YouTuber「珍心活」喺8日上載嘅短片表示，由於台灣當局移民政策「標準好模糊」、「好唔確定」，搞到佢哋一家四口嚟咗台灣兩年都攞唔到身份證，同原先承諾嘅嚟滿一年就攞得到完全唔同，無奈之下決定放棄移台！

珍心活喺短片度話，佢哋夫婦連同子女趕上了舊制嘅「尾班車」，理應喺住滿一年後取得身份證。但當局政策卻朝令夕改，冇個準則，讓佢哋無所適從，原本好有把握取得嘅身份證亦出現好多變數，「好多唔確定嘅嘢出現咗」。

珍心活亦坦言，包括佢身邊嘅已有好多在台香港人由於滿一年都拎唔到身份證而決定離開，但佢表示，佢離開嘅最大原因係因為太太唔適應當地嘅生活環境。對於接下來去邊度，珍心活坦然仲未諗好，但就表示「一家人在一起那就是家」。

以蔡英文為首嘅台灣民進黨當局，當初下巴輕輕話「撐香港」，支持香港人移民來台，但而家又反口覆舌，各種搬龍門，大有要錢唔要人之勢，認真可惡！

原圖：「珍心活」YouTube視頻截圖