今日帶大家去首里，一般人去首里主要都係去首里城。去首里城既方法好簡單，先搭沖繩單軌火車去到首里站，喺單軌站下面個巴士站，搭１、８、１４及４６號巴士約５分鐘車程就到。基本上經過首里城既巴士都會喺車頭貼左張紙寫明經首里城方便乘客的（除８號巴士喺首里城前落車之外，其餘巴士喺首里城公園入口落車，當中以首里城前站最近首里城公園）。唔等巴士的話，步行都只係１５分鐘。詳情如下： 好喇，首里城留番比讀者大家去探究，教完搭車就算喇。今日其實筆者係想帶大家去食和菓子。 知念製菓 從首里駅前巴士站，可以搭剛才幾部經首里城既巴士過黎呢度，当蔵站落車就可以，落左車之後望下對面就會見到上面呢間鋪了。 鋪入面賣既都係新派既和菓子，有好多種口味比大家揀。一咬開佢之後，入面真係原粒生果黎的，非常清甜可口。大家去完首里城，反正多數都係行返去單軌站，不如花幾分鐘過黎呢度，買番幾粒先走都未遲。每一粒都係有獨立包裝的，拎幾遠都唔怕。 下一集，筆者會帶大家去全日本唯一一間設於機場以外既Duty Free，教大家買平野！下集見。 圖：由作者提供，地圖及街景地圖取材自谷歌地圖