不久前讀過一篇報導…數百人排通宵排隊搶租政府車位！ 事發地點是荃灣政府多層停車場，筆者對這個停車場並不陌生，很多時候到荃灣吃喝玩樂，如果在路德圍附近找不到錶位，就會到多層停車場泊車，位置挺方便的，荃灣港鐵站荃豐出口一出就是了。 為甚麼會出現「數百人排通宵排隊搶租政府車位」這種情況？ 解釋很簡單…車位價值炒到癲！租金加到癲！ 為甚麼車位會炒到顛呢？當然是因為樓價炒到顛啦！ 今時今日，只要你在懂得火上加油，高呼…炒到顛、創新高、供應不足、政府無能、市民好慘…就會得到認同！點可以唔講？！ 事實又係咪真係咁簡單呢？ 報導指荃灣有很多新樓盤陸續入伙，車位供應嚴重不足，多個屋苑的車位瘋狂加租，月租3500元到4500元，而荃灣政府多層停車場的車位只需要1800元，所以市民就被迫來排通宵了。為甚麼新樓盤的車位租金那麼貴呢？首先肯定是供應不足，很多新樓盤的車位比例都在1:5左右，即是5戶人爭1個車位，就算很多偏遠地區的屋苑，車位供應按理應該更高，但仍然維持這個低水平，難道發展商有錢賺唔賺？政府沒有放寬車位的豁免面積，當然有影響。 車位租金貴了的確是事實，係咪純粹因為多咗新樓盤呢？ 筆者去年在紅磡區住，區內的車位租金一年之間跳升一至兩成，可惜仍然一位難求。紅磡區去年有新樓盤入伙嗎？車位供應少了嗎？為甚麼車位仍然緊張？其實最主要係因為…香港人有錢咗！開私家車絕對是一項高消費興趣，每個月最少要多花幾千元，如果經濟環境唔好，要減省支出，第一樣可以Cut的當然是車！但係如果經濟好，大家都搵到錢，自然就會想提高生活質素，樓價又越炒越高，買樓又遙遙無期，身邊又有錢多，唯有買架車威住先啦！ 新樓盤入伙，搬進來的全部都是買得起新樓，租得起新樓的人。 相對住舊樓的基層人士、老街坊來說，這些外來人口的消費能力當然亦比較高，要買車、要租車位是可以理解的。試想想，新屋苑呎價動輒逾萬元，幾百萬、過千萬買一個單位，或者月租萬多元去租一個車位，明顯地都是消費能力比較高的族群，能夠付得起錢去買車、養車的人，簡單來說就是每個月捨得多花幾千元的人多了。 今次之所以大排長龍，最主要係因為租金太平！ 周邊新屋苑的車位，加租加到近4000元，政府多層停車場的車位仍然只收1800元，便宜一半有多，當然要爭！多人爭就自然要排隊，為甚麼收1800元？為甚麼不因應市場而調升價格？如果收2500元、3000元，難道還會有這麼多人排隊嗎？高呼供應不足，是很容易的事，肯定冇講錯，供應足又點會大排長龍呢？ 最重要的原因，還是香港人身上的錢多了，身痕了！ 除非你是職業司機，否則車絕對不是必需品，也算是剛性需求麼？ 經濟差、工資跌了、人人賺錢少了，車位的價格、租金自然就會下跌，而且可以肯定的是，跌得比住宅快！狠！ 香港人有錢？咁咪即係唔慘？！這個解說當然不能成為主流… 圖：網絡圖片 1% Anthony Fan Page《第一桶金》：www.facebook.com/anthony.wealth