今日講個故事。 話說有個乖仔/乖女，同父母住係市區一個自置已供滿的3房單位，市值800萬。乖仔/乖女拍緊拖就結婚，乖仔/乖女+準新抱/準女婿兩人夾埋搵到$45000左右，有穩定職業供樓能力無問題。經過幾年時間，佢地儲到50萬想結婚上車自住。之但係最近樓價升咗好多令佢呢50萬首期有d掹掹緊。對於想幫乖仔/乖女一把嘅廿四孝父母，現今樓價係佢地眼中係點嘅呢? 大家睇到，只要目標樓價在600萬以內，仔女首期不敷之數就算父母要靠借先攞到出嚟，所佔槓桿比例最多只係10%左右。一旦樓價超過600萬，父母就至少要將層樓按3成，才能補足不敷之數。因此，大家需要知道，對於資助仔女首期嘅父母嚟講，600萬以下物業的首期，就算父母將自住物業只做1成按揭都可以從容應付。因此，對於資助仔女首期的父母嚟講，600萬先係第一個心理關口而非400萬。另外，請留意由於政府收緊按揭借貸，在有父母資助首期的情況下，月入$45000已幾乎可應付所有1000萬以下物業之供款。 以上例子已假設父母是只有一層自住樓，沒有其他投資項目可賣的窮中產。不過政府已經講咗俾我地聽，呢類手持1-2個物業的人有184萬人。當中父母輩佔幾多，大家心裡有數。你有你控訴其他人離地，但係香港地現時真正做到以上操作的人其實大把。 睇到呢度，相信大家已明白點解陳德霖話上車盤係600萬以內了。可悲的是，佢呢句可能係真心話。 圖：網絡圖片