沖繩既那霸市真係無乜行街既地方，最出名既只有國際通，國際通係一條全長1.6公里既步行街，無論自由行定跟團都一定會黎，就好似去香港要行廟街一樣。今日，我會用多圖少字既方式，同大家好快咁行一次國際通。 國際通位於県庁前站同牧志站之間，邊個站落車就要睇你想去邊間鋪，一般黎講近県庁前站既一邊會比較多特式賣野，例如鹽屋雪糕，御菓子，金楚糕，同埋賣遊客手信既星沙等等鋪頭。 上圖就係國際通近県庁前站既入口，你一出閘，有指示牌教你落天橋的，跟住行幾步就會見到個十字路口，一望過對面，就會見到呢個寫到明既「國際通入口」，好方便的說！！ 跟住到牧志站呢邊，呢邊比較多食肆，當中包括沖繩有名既海鮮食堂「牧志公設市場」。另外就係一啲比較潮以及同動漫有關既鋪頭，例如潮人必去既激安之殿堂，仲有動漫迷必到既JUMPSHOP，點少得由原宿開到過黎沖繩既原宿系少女服裝品牌SPINNS，仲有我唔講你唔會搵到既Animate書店……   今日睇住咁多先，只要留意住HKG報，日後筆者會有詳細既分類介紹的。當中仲會帶大家去食旅遊書無介紹過既石垣牛扒房，同埋非常出名既琉家黑蒜麵添。 而今個星期二既文章，我會帶大家去小祿站既AEON行下，呢間AEON係筆者每晚返酒店之前都必定會行一次的。究竟香港都有既AEON有乜咁特別要晚晚行?星期二既HKG報見。 圖：由作者提供，地圖取材自谷歌地圖