以港獨劉小麗「Plan B」身份參選九龍西補選的李卓人，為做議員竟不擇手段咁宣傳，把口話為民請命，實際係想害死市民！日前李卓人宣傳車被揭罔顧人命衝紅燈(請按此重溫)，事件被市民踢爆後，李卓人死死地氣行出嚟做番場大龍鳳 ，陪肇事司機到警署自首，其團體並發道歉聲明保證不會再犯云云，點知隔得幾日，李卓人宣傳車再被揭違規，非法霸佔落客區！

非法停車播宣傳聲帶

有市民在Facebook發表兩張李卓人宣傳車的照片，踢爆李卓人繼續知法犯法，據指宣傳車停泊在的士落客區，並播放宣傳聲帶，真係為宣傳話知你死，乜都做得出！據悉宣傳車更一度在沐虹街附近停留，長達五分鐘，照片中更可見後方有巴士被嚴重阻礙，無法駛出！該市民不禁質問：「李卓人係咪有特權？李卓人係咪大Ｘ晒？」

呢頭假惺惺道歉完話不會再犯，嗰頭即刻犯畀你睇，李卓人係點樣嘅人，相信選民都心中有數。但點都好，交通安全好重要，支持當局執法嚴懲！

立法會九龍西補選候選人為陳凱欣、李卓人、馮檢基、曾麗文和伍廸希。

原圖：仇思達Facebook、李卓人Facebook

https://www.facebook.com/photo.php?fbid=10156471051742254&set=pcb.10156471052302254&type=3&theater

https://www.facebook.com/leecheukyan.official/photos/a.437134026351886/1925320394199901/?type=3&theater