最近經常跟朋友分享生意經... 老老實實...筆者做生意唔叻！創業10年，做過廣告製作公司、美容院、網站、足球推廣、投資培訓中心...始終未能夠做到一盤穩穩定定的賺錢生意，就是靠一點熱誠、半點冒險精神。最近，又有年青朋友想搞甜品店，筆者分享經驗，開店不難！難在守... 開店...有何難？ 租一間鋪...假設月租 5 萬，4 個月上期、按金才 20 萬。 裝修...20~30 萬、來貨、請人...60~70 萬就可以開業。 如果頂鋪...隨時幾萬有交易，簡單裝修，40~50 萬就開工。 找 4~5 個投資者...每人拿 10 萬出來，就可以做老闆！ 當年搞美容院的時候，何嘗不是如此？ 原來最恐佈是...蝕錢！ 蝕晒都係 10 萬老本？咪咁天真啦！每個月蝕錢才可怕！ 以朋友的情況為例...鋪租、人工、來貨等，每月支出 12~13 萬！假設小店每月收入只有 5 萬，每個月就要蝕 7~8 萬，由 4 位股東攤分，每人每月就要倒貼 2 萬！是的！...不但沒有收入，而且每個月要倒貼 2 萬！止蝕嗎？可有兩年租約啊！才是真正恐佈！ 試過！恐佈過 3D 貞子... 講堅...每到月尾，都擔心到瞓唔著... 當時美容院只有旺角店，由於股東意見不合，店長存心作對，每個月只做到 4~5 萬生意，然而支出就要 13~14 萬，換句話說，每個月蝕 8 萬，個個月倒貼...點頂？開金礦咩？越蝕錢，越冇信心，越冇心機...到最後迫不得已將股份出售，整間鋪就被吃掉！ 創業拼勁，值得欣賞！ 但起步之前必須要計清楚，蝕得起嗎？ 最少計算一個租約，兩年時間，能守住你的生意嗎？最壞情況點處理？身邊不少朋友都給夢想宰殺，欠下一屁股債。 1% Anthony Fan Page《第一桶金》：www.facebook.com/anthony.wealth 圖：Tech2IPO http://www.startupcollege.hk/2012/11/15/%e5%89%b5%e6%a5%ad%e6%b3%a1%e6%b2%ab%e6%b5%ae%e7%8f%be%ef%bc%8c%e6%8a%95%e8%b3%87%e8%80%85%e8%ac%b9%e6%85%8e%e5%86%8d%e6%8a%95%e8%b3%87%e8%87%b4%e5%a4%a7%e6%89%b9%e4%bc%81%e6%a5%ad%e5%80%92%e9%96%89/#.Vd_FEjoVjX4