對泛民激自獨反對派來說，不管發生何事，都是籌款理由，春夏秋冬四季，都是Cap水旺季。最新又有一班人走出來，說要設基金為反東北十三太保及雙學三犯提供每月一萬元「安家費」，希望大家解囊相助云云！ 隻抽俠暫且不論籌款支援罪犯有幾荒謬，也不說這是否用安家費來鼓勵更多學生犯法，只是拿出計數機一篤：家陣十六犯合共判監185個月，每人每月「津貼」一萬的話，單是游行籌得二百幾萬已經夠畀有餘，點解一定要籌夠四百萬？多出來嗰二百幾萬畀邊個？

想學黑社會又冇義氣

今日呢項「眾籌安家費」嘅創舉，證明泛民竟然想學黑社會，而且連起碼的義氣都做唔到。 黑社會有細嘅入冊，做大佬嘅大手筆包安家費天公地義，因為細嘅要賣命。而今日泛民竟然公眾募款400萬，才有一人一月一萬元。試問啲泛民大佬是否真的相信入冊是令人生更精彩，所以夠錢派都唔畀住，反而利用這16人掛頭牌眾籌搵水？ 這次眾籌更帶出一個「錢去了哪裡」的大疑問！

黃營大佬袋袋平安？

外國外交圈內盛傳佔中總開支約一億美元折合七億幾港元，這筆巨款早已過了數付清了，更有人收了，這已不是什麼秘密。一般來說，咁大個budget肯定預計被捕者的律師費及安家費了，這也是外國勢力搞事的常規。 問題來了。錢付了，更有人收了，為何到今天律師費好像都冇乜人認頭，而少至一萬元一個月的安家費更要眾籌？是否有人中飽私囊，天一半地一半，中間唔知食咗幾多？ 如果到時冇人捐款，班黃營大佬係咪一句盡咗人事，唔好意思，就過了骨，袋袋平安算了？

要香港人幫手填氹？

有關安家費美其名為「在囚抗爭者支援基金」，由浸大新聞系助理教授杜耀明、嶺大文化研究系兼任副教授許寶強等人擔任信託人，今日開記招成立，話已經有上月20日遊行及集會籌得嘅253萬港元打底，希望大家再捐多啲湊夠400萬，畀反東北同雙學合共16犯在囚期間每月申請1萬元免審查津貼，親友探監交通同購買日用品嘅費用都可以實報實銷。仲話已經委託職工盟設立專款戶口咁講。 七億元收晒不見了，現在要香港人幫手填氹，大家幫唔幫手？ 原圖：在囚抗爭者支援基金Facebook視頻截圖、無綫新聞截圖、有線新聞截圖 https://www.facebook.com/iasfhk/

投票已截止，多謝支持