呢個OUTLET好出名，除左自由行之外，旅行團都會必定會帶人去。地點係豐見城裏面，由兩至三個大商場組成，我即管叫佢地做豐見城OUTLET先啦。呢度D野除左非常平同多之外，另一個大賣點係近機場，由機場搭巴士黎只需15分鐘，絕對係臨上機前血拼既好機會。詳情睇下面地圖： 今日唔講點搭車住，留番星期二(12/5)先講。介紹左個OUTLET等大家流下口水先。從地圖可以見到，由市區出發計(即右上角條橋)，一落車就係TODABOOKS(書店)，旁邊有間大型電器鋪，其實入面有GAME同玩具買的。而另一旁就係一座叫Tomiton既商場，呢度有間DAISO，亦有唔少食肆，係血拼後食野既好地方。而本文重點當然係對面既Ashibinaa(OkinawaOutletMall)，呢度你講得出既牌子都有，當中以波鞋最多香港人買亦都非常平。另一家最多人幫襯既係AgnesB，朋友話呢度D款雖然唔會係最新，但係對香港黎講唔算OUT，加上平成半咁滯。所以又係另一必買之選。講住咁多先。睇相吧。 上圖就係TODABOOKS書局。而筆者身處既地方就係落車既巴士站。下面幾幅相就係電器鋪。除左可愛電器，家庭用品，仲有藥，同遊戲機，GAME乜都有。 跟住落黎，我地去左Tomition先。 從Tomition既二樓望落去，好似個大遊樂場咁。其實大家細心D睇，旁邊既鋪全部都係食肆，係一個超大既FOODCOURT。不過筆者反而去左去BURGER，\1000一個餐，好貴呀！想平既話，去FOODCOURT食拉麵應該會平DD。 食完又繼續行喇。 地下係咁樣的，下面既相係二樓既玩具鋪，夾公仔店JOYJUNGLE(呢間店美國村入面都有，遲下會再介紹)。 二樓仲有呢間影家庭照既鋪頭。而商場通道既另一端就係去DAISO同埋GOLF5既地方。 最後當然要食埋沖繩名物，BlueSeal雪糕啦，呢種雪糕係好Creamy果種。好幼滑，好好食，仲好多種口味比你揀添。 各位朋友，主菜到，AshibinaaOkinawaOutletMall。我地由OUTLET入口開始睇啦。   1F即係地下，2F係少量食肆，位於全個OUTLET最入既地方。不過你一定會行得晒，無人可以敵得過誘惑的。 OUTLET中間有片空地，有幾部小食車。下圖係服務中心。附近仲有間鋪專門幫你鎖行李的。等你唔駛拎住喼黎行街。 2F係食肆，不過筆者建議大家去Tomiton食會地道D同平DD。 最後提提大家，呢度好多鋪頭都有做免稅的。你只要買夠店家指定既金額就可以即場做退稅。詳情留意番每間鋪頭既指引。 至於交通指南方面，請留意星期二既刊登。 圖：由作者提供，包括網絡圖片、谷歌地圖