法例規定市民在公眾場所必須佩戴口罩，有人唔守法仲要鬧人！一名網民在網上發帖，說他在坐港鐵返工途中，見到一名20多歲的男子唔戴口罩上車。有乘客好言相勸男子，他竟以不文手勢及粗口回罵，令人髮指！
網民稱，該除罩男子在港鐵內係咁咳、打噴嚏、擤鼻，令其他乘客相當驚恐。有女乘客上前要求男子戴返口罩，男子唔單只唔理，仲以不文手勢回應。男子喺調景嶺站月台轉車時，有港鐵職員勸他戴口罩，他才慢慢從褲袋拎出口罩戴返。原來其實有口罩，咁即係故意唔戴。只不過職員轉身一走，男子就將口罩掛喺單邊耳旁。一名男乘客睇唔過眼上前勸喻，男子竟向該名男乘客爆粗：「我係唔戴呀，點呀？關你X事？」
網民將事件貼上網，鬧爆「播毒」男嘅行徑；擔心如果男子係確診患者，同車的乘客就會成為密切接觸者，甚至可能中招，「後果真係可以好嚴重，諗起都覺得好驚」。根據香港法例，違反口罩令者，最高可被罰款10,000元。
疫症當前，戴好口罩，護己護人係市民最基本嘅責任同公德。呢名男子自己唔帶罩冇公德心之餘，仲要鬧番人轉頭，簡直離譜！
原圖：
投票已截止，多謝支持
返回
