近日，有「鋼琴王子」之稱嘅李雲迪涉嫌嫖娼被警方逮捕，北京朝陽公安分局事後證實消息，稱查獲李雲迪嫖娼，目前與賣淫嘅陳姓女子一同被依法行政拘留。消息一出即上熱搜，李雲迪事業因而大受打擊。

做錯事當然要企定受罰，中國音樂家協會秘書長辦公會研究決定，取消李雲迪其中國音樂家協會會員資格。另有傳李雲迪或需賠付合同違約金，更有內地律師指，李雲迪有可能終身都不能從事演藝行業，或有可能經歷幾年嘅禁演期。

事實上，早前內地已傳出會嚴打娛樂圈劣跡藝人，今次「李雲迪嫖娼事件」，央視亦有發文批評，央視網於微博發文狠批李雲迪，指佢嫖娼被拘係「自作孽不可活！」睇佢想出返山，似乎都有啲困難啦！

最後，筆者想講嘅係，無論係「黃暴嘅黃」定係「涉黃嘅黃」，只要係違法，都係唔應該嘅，今日李雲迪嘅結果，都係自己攞嚟嘅。

原圖：李雲迪微博圖片