吃得苦中苦，方為人上人！呢句用嚟形容華為副董事長孟晚舟就最合適不過。孟晚舟被加拿大拘禁近3年，日前終於與美國司法部達成暫緩起訴協議，獲准回國，孟晚舟回國一事，舉國歡騰，日前，孟晚舟完成隔離，終於真正回歸崗位，初日上班，獲得公司員工熱烈歡呼迎接，更有人大叫佢「女神」。
孟晚舟第一日上班時，向員工發表感言，指過去3年，雖然佢哋相隔萬里，但因為同舟共濟，所以真心從未走遠，又指佢哋披荊斬棘，團隊越戰越勇。

祝願日後走花路

稱孟晚舟為「女神」其實係適合嘅，孟晚舟經歷「加拿大拘禁」嘅大風大浪後，無論喺孟晚舟歸國當晚定第一日上班嘅視頻，都肉眼可見孟晚舟比以往更美，因為佢充滿自信，笑容充滿感染力，披荊斬棘後歸來嘅佢，全身都散發住光芒。
筆者想同孟晚舟女士講，呢3年辛苦了，你係中國人驕傲，希望華為有妳帶領下，更創輝煌，亦祝願孟晚舟女士日後走花路！

原圖：星島日報、網絡圖片

https://std.stheadline.com/daily/article/2398886/%E6%97%A5%E5%A0%B1-%E6%B8%AF%E8%81%9E-%E5%AD%9F%E6%99%9A%E8%88%9F-%E7%A5%96%E5%9C%8B%E6%88%91%E5%9B%9E%E4%BE%86%E4%BA%86