大馬歌手黃明志與澳洲馬來西亞裔女歌手陳芳語早前推出一首名為《玻璃心》嘅歌，因為歌詞被指暗諷中國，而被黃友、仇中者熱棒，令到冇乜人討論嘅陳芳語，一時之間好似「谷底反彈」咁，再次一嘗「紅」嘅滋味，但事實上，《玻璃心》紅起，被人廣泛討論嘅都係黃明志，加上首歌暗諷中國，所以先有人討論，但陳芳語到底係乜水？就好少人去講，今次，筆者同大家講講陳芳語！

陳芳語（Kimberley）於2012年喺台灣出道，當年佢首《愛你》被唱到街知巷聞，但最終都係紅歌唔紅人，陳芳語本人少被討論。陳芳語喺未出道之前，已經想打入中國市場，2011年，陳芳語參加中國節目《激情唱響》，但未引起迴響，至到2018年，陳芳語再嘗試打入中國市場，參加實境節目《創造101》，但最終喺第九期就被淘汰。

敗走中國市場後即變面

離譜嘅係，陳芳語參加完《創造101》、見自己敗走中國市場後立即變面，瘋狂抹黑《創造101》為自己創造話題，包括批評節目「冇人權」、奴役選手等，當時嘅陳芳語被網民批評佢「輸打贏要」。

《玻璃心》發布後，陳芳語表面上好似有返啲知名度咁，但其實連台灣網民都唔受落，有台灣網民認為陳芳語嘅係行為，根本就係「舔大陸失敗又想打『台獨』牌洗白」。

陳芳語有冇實力，筆者冇資格評論，但陳芳語人品如何，相信大家睇文就明！陳芳語現時靠孖住黃明志「彈起」，實際上冇乜水花，加上黃明志出歌出得咁快，「女主角」又換得咁快，陳芳語想繼續靠「仇中」食飯？似乎都唔易囉！

原圖：《玻璃心》MV截圖、陳芳語IG圖片