美國警察開槍成日聽，新聞播到唔當佢係新聞，但香港警察一開槍，就被全網瘋狂報道，搞到好大件事咁，原因係因為黃友上綱上線。日前有位英勇警察，因阻截行車證已過期而瘋狂駕駛嘅私家車，而開槍擊到司機右肩，事件即於網上瘋傳，黃友更狂轟開槍警唔應該開槍，但其實警方開槍，都係為咗執法，為咗阻止危險駕駛者，又何來嘅唔應該呢？

江Sir任職交通部超過8年

事緣，日前（8日）一輛銀色本田私家車喺吐露港公路，因拒絕警車截查而逃去，瘋駕逾8公里到沙田，私車家更狂衝紅燈，又撞向其他車輛，場面極為危險，最終，幸得英勇警察向司機右肩開槍，將其制服。

有消息指，開槍警為江姓警長，升任警長11年，而任職交通部超過8年，經驗豐富，江Sir開槍係為咗阻止司機狂亂駕駛、危險駕駛，江Sir開槍明顯係為咗維護巿民安全，同時證明佢夠晒果斷，江Sir我撐你！

原圖：網絡片段截圖