今集帶大家黎國際通食石坦牛，上圖呢間扒房叫Steak House 88。淨係國際通入面都有三四間分店。而筆者今次去食呢間位於國際通既中間點咁滯，Lawson樓上就係，地方亦比較大。 最奇怪既係，香港既旅遊書無乜介紹呢間鋪的，但係當地既旅遊書就圖文並茂咁介紹呢間餐廳。其實Steak House 88係一間超過30年歷史既老鋪。除左石坦牛之外，仲有17種美式牛排同埋全國只得佢呢個集團有既沖繩縣產和牛。於是筆者就帶住半信半疑既心情入去。 黎得呢度，當然要試下石坦牛啦。講明先，都唔平架，上面呢塊150g既石垣牛要成￥５０００左右。仲有啲唔同部位既貴到過萬YEN都有。不過味道又真係唔錯既。 後來，我有個朋友幫沖繩觀光局拍野，完結之後，沖繩觀光局既人都係帶我朋友黎呢間扒房食扒。我就知道無介紹錯喇，各位去沖繩玩既朋友可以黎試下，有中英文餐牌的。 地址：沖繩県那覇市松尾2-5-1 松尾124区ビル 2階 圖：由作者提供