國產賀歲片《流浪地球》了不起！新年梗係一家大細齊齊睇賀歲片Happy吓喇！國產科幻大片《流浪地球》喺芸芸賀歲片跑出，好評如潮。唔單止《南華早報》大讚媲美荷里活大片，連外媒都話係史詩級巨製。有份演出嘅香港藝人吳孟達仲呼籲大家，齊齊支持中國第一部科幻片，自己中國人嘅故事﹗

以票房17億登頂嘅《流浪地球》，故事講述太陽急速老化，有吞噬地球的可機，人類為此團結起來，合力把地球離開太陽系，找出生存之路。

戰狼仗義投資6000萬

有份演出嘅吳孟達坦言，自己開始並唔想接拍《流浪地球》，因為佢認為科幻片拍得好唔好睇，完全由國力影響，過去只有荷里活先有足夠嘅技術同資金拍攝，不過吳孟達睇完劇本之後改變晒想法，表明難以置信呢份劇本竟然係出自我們中國人之手，直認自己「孤陋寡聞」。依家佢唔單止為《流浪地球》而驕傲，直指中國人都可以拍科幻片，仲呼籲大家，齊齊支持中國第一部科幻片，自己中國人嘅故事﹗

《流浪地球》嘅成功除咗有賴中國科技日益先進同一班台前幕後，原來仲有一位不可多得嘅功臣。「戰狼」吳京本身只係電影中做客串角色，不過喺拍攝過程中，發現劇組經費唔夠，佢二話不說就立即投資6000萬人民幣，兼唔收片酬。可以話無吳京，就無今日《流浪地球》嘅成功﹗

《流浪地球》暫時只喺內地上映，希望香港遲啲都有得睇，等大家一齊感受吓中國科幻片嘅震撼！

原圖：網絡視頻截圖、《流浪地球》預告截圖