維園年宵市場今日開鑼，又係黃色政棍掠水嘅好日子，香港眾志今年搞搞新意思，為自己嘅產品加上「政治打壓」嘅包裝做宣傳，自稱年宵產品嘅發行受政府阻撓咁話喎。

眾志表示，尋找廠房印製有眾志名稱及標誌的布袋時兩度被拒，第一次係因為廠房表明不接受任何政黨的訂單，而第二間廠房就因表示為收到「政府批文」，有一系列字樣及圖案不得印製，其中就包括「眾志」標誌及其中英文名稱。

終屈服刪標誌

搵唔到廠房出產品又點掠水？眾志梗係嬲豬啦，又賴「政治打壓」、「自我審查」云云，主席林朗彥話有廠房避免接受政黨訂單，係因為建制派抹黑反對派主張喎！不過睇錢份上，眾志最後都好有骨氣咁樣刪去香港眾志標誌，最終成功被廠房接受訂單。

姑勿論政府是否真的禁止印製帶眾志標誌的產品，但香港眾志主張港獨「自決」，賣嘅產品同港獨宣傳品何異？真係禁你都好正常吖，大家又是否支持港府嚴打港獨？

原圖：黃之鋒Facebook、香港眾志Facebook