反對派一年一度嘅元旦遊行又來喇！民間人權陣線年年元旦都要搞到香港雞犬不寧先開心，今年主題係律政司撤控UGL案、「明日大嶼」填海計劃等等喎。反對派繼續指鹿為馬、是非不分，但香港市民又點會咁易受騙？

今日元旦遊行人數低到老鼠見到都笑，據警方統計，最高峰時先得3200人，係2010年以來最少！就算唔講到2010年咁遠，且看上年2018年有幾多人參與，警方數字係6200人（請按此重溫），今年足足少咗3000人，人數少接近一半，大家點睇？

賴人少因為假期

民陣召集人岑子杰承認人數比上年更加少，但就好唔忿氣咁話其實人少係因為咁啱遇著長假期喎，當有記者問到佢對參與人數是否滿意時，岑子杰亦唔敢回應，只係話自己會盡最大努力去鼓動其他人云云。

好心喇，得嗰丁屎咁多人，就留返啖氣暖吓身！

原圖：無綫新聞截圖、Now新聞截圖