平時都知道葛珮帆敢言，估唔到佢仲好有膽色！EQ一家放聖誕假，三代同堂去杜拜玩齊水陸空，佢自己更加抽咗個早上去跳降傘添！真係勁！

沙漠遊車河 火堆邊睇肚皮舞

EQ話，一家人喺杜拜過聖誕玩得好開心，除參觀咗多個景點及主題樂園外，仲喺水上樂園玩超高滑水梯，EQ更特別提到佢哋一家喺沙漠遊車河，仲喺星光下、火堆旁睇肚皮舞表演兼嘆中東BBQ，氹到EQ媽媽好開心！

曾試笨豬跳 更想正式學跳傘

旅程中最難忘一幕，EQ就話當然係跳傘，佢表示，曾經喺紐西蘭大橋跳過Bungy Jump，又跳過悉尼最高電視塔，之前試過預約跳傘但因為天氣問題取消咗，所以今次喺佢第一次跳！EQ分享自己嘅跳傘初體驗，話自己喺13000呎高空跳出飛機嗰刻有啲驚，其中自由落體60秒非常刺激，而張開降落傘後有五分鐘時間可以俯瞰杜拜嘅壯麗景色，難怪EQ會話：「真係超爽超正，有時間真係想正式學！」

小編剩係睇文字已經好想去一轉杜拜喇，希望EQ叉足電返嚟繼續努力，要對抗班反對派你係不可缺少嘅力量！

原圖：葛珮帆提供