老美司馬昭之心，路人皆知！華為副董事長孟晚舟日前被指涉違美國對伊朗的禁制令，而在加拿大被捕。全球中國人嬲到震嘅同時，有美國學者似乎都覺得咁樣做真係好肉酸，大鬧老美成日口口聲聲話華為威脅國家安全，不過至今都拎唔到證據，又形容拘捕孟晚舟係美國對中國赤裸裸嘅挑釁。今次真係自己人都撐唔落！

鮮少就公司罪行拉高層

哥倫比亞大學教授杰弗瑞·薩克斯(Jeffrey Sachs)日前撰寫文章，直指老美要求加拿大拘捕孟晚舟一事，根本唔係尋常做法，擺明係挑釁中國。文章指，美國一向都好少因為公司犯罪而單獨逮捕某位高管，通常係因為高管嘅個人罪行而作出逮捕，而且美國國內都有幾十位涉嫌犯罪的公司高層，認為向孟晚舟開刀擺明係向中國挑釁。 文章認為，拘捕孟晚舟係侵侵政府戰略嘅一部分，喺經濟層面上向中國挑起戰爭，現在正係把目標指向華為。佢又形容侵侵係強盜(gangster)，當全球貿易規則妨礙到自己時，就將規則一腳踢開。 美式霸道都唔係第一日知！ 原圖：Project Syndicate、Donald J. Trump Facebook Page、文匯報 https://www.project-syndicate.org/columnist/jeffrey-d-sachs https://www.facebook.com/DonaldTrump/ http://news.wenweipo.com/2017/10/18/IN1710180025.htm

投票已截止，多謝支持