傷人在先，都可以死賴自己無錯？究竟林卓廷可以幾無賴？話說民主黨立法會議員尹兆堅同林卓廷涉嫌於本年6月在立法會審議「一地兩檢」條例時，導致兩名保安員受傷，而被警方預約拘捕。林卓廷今午回應事件時，居然大言不慚咁講件事好荒謬，係赤裸裸嘅政治檢控喎。不知悔改成咁，警察一於告爆佢！

林：一定抗辯

林卓廷話事件荒謬，係赤裸裸嘅政治檢控，仲話自己一定會抗辯，「捍衞」議員表達意見嘅自由同權利、香港社本基本價值。佢又上綱上線咁講，今次係第一次議員喺議事廳「和平抗議」立會主席嘅裁決而被刑事檢控，如果今次定罪，咁以後議員只可以默默接受主席嘅決定。老吹成咁，唔通打人就係香港社會基本價值咩？好心佢自己做錯就一人承擔，唔好拉埋成個香港喇！ 同場嘅尹兆堅就話，對於自己被指控普通襲擊，覺得好莫名其妙，又話自己冇動機去襲擊任何人。佢仲要好似妄想症發作咁，話反對派議員唔可以退縮，如果唔係日後任何議會抗爭都會變成違法。 佢哋講到自己定罪，就成個香港都世界末日咁。小編心想，香港有你哋兩個先係真正嘅世界末日！ 原圖：無綫新聞截圖

投票已截止，多謝支持