解放軍義務清樹都要畀你班反對派指指點點，真係豈有此理！早前強颱風山竹襲港，令香港市面多處塌樹，影響市民起居生活。有見及此，解放軍駐港部隊出動義務清理，卻不料成為反對派嘅話柄！人民力量陳志全慢必到今日仲拎住呢件事上綱上線，懶係威咁問左問右！搞到保安局局長李家超都忍唔住鬧呢班反對派針對軍人！今次真係佛都有火！ 慢必今日喺立法會會議度拎駐港解放軍義務清樹單嘢造文章，無厘頭咁話可唔可叫解放軍做義工唔好著制服，同有冇得叫政團唔好邀請解放軍做義工，費時畀人誤會喎。條條問題都奇奇怪怪，擺明係想無風起浪啦！

阻駐軍做義工匪夷所思

李家超都算唔話得，好有耐性咁回應。佢首先話，嗰次清樹義務活動，統籌方一早已經通知漁護署，而解放軍應邀參與，係完全無抵觸《基本法》、《駐軍法》或者其他相關法例嘅規定。事關《基本法》、《駐軍法》及香港法例，都無要求或者限制過駐港部隊要得到港府批准先可以進行公益活動。 佢又話，軍隊內部條令係依據職務同活動需要來決定裝束，解放軍喺重大節日、重要慶典或者其他社會活動時，不嬲都時時著軍服，咁樣不單止唔可以增強榮譽感同使命感，仲可以令市民更加認識駐港部隊！ 最後李家超仲忍唔住話，軍人管理係防務事宜，反對派根本就冇資格評論，又直指今日提問嘅議員係「針對軍人」，如果佢哋係想阻止解放軍做義工，係好匪夷所思。 原圖：中聯辦、大公報 http://big5.locpg.gov.cn/ http://news.takungpao.com/paper/q/2017/1216/3524943_print.html http://paper.takungpao.com/html/2012-09/28/content_15_4.htm

投票已截止，多謝支持