香港電台年燒約十億元公帑，但收視一直低到冇人有，仲衰過執笠前嘅亞視，除咗立場偏頗黃到出汁，節目質素參差亦為人詬病。審計署今日發表報告，狂數港台N宗罪，其中包括轟港台收視率極低，成效未如理想。

最低收視率僅0.05

報告指出，港台31/31A喺2018年首6個月的平均收視率收到喊，只得0.1點，即約6400名觀眾，佔香港人口嘅0.001%唔夠，而最低收視率更再少一半，連0.05點都冇，即3200人唔夠！審計署指出，港台未有為節目嘅「欣賞指數」同「認知率」訂定目標，以後應該努力豐富電視節目內容云云，即係暗串港台節目唔好睇！

其他平台一樣插水

除咗數碼廣播頻道收視低，港台喺其他平台嘅表現一樣差到喊，在網頁瀏覽人次方面，在2015年至今三年間，由510萬跌到280萬，足足跌咗45%；而傳統電台的聽眾亦有所減少，其中第六台及第七台的聽眾人數在2013年到17年間，分別銳減56%及33%。

港台收視年年插水，納稅人年年燒錢，公平咩？！大家贊唔贊成摺埋港台，為納稅人止血？請畀Like同Share出去一齊討論啦！

原圖：無綫新聞截圖