「習特會」在即，侵侵突然又扮強硬唔想傾，那就戰吧！二十國集團(G20)峰會於本周五舉行，中美領導人將就雙方經貿問題會談，惟上周曾言有信心結束中美貿易戰的美國總統特朗普（按此重溫相關報道），在「習特會」前又再改口風，料將不接受北京的要求，並如期提高中國進口貨品關稅最高至25%。

要華開放 迎接老美

特朗普接受美媒《華爾街日報》訪問時忽然「失憶」，似乎已經唔記得自己上個禮拜講過啲乜，突改口風話「極小機會」接受中方提出推遲提高關稅的要求，又指若要達成貿易協議，中國必須開放市場來迎接美國的競爭云云，講到尾原來又係想R著數。侵侵仲更威脅指，若未能與中國達成協議，將如期向2670億美元（約合2.08萬億港元）華貨加徵10至25%關稅。

侵侵為人反口覆舌，本來就唔信佢，今次在中美領導人會晤前再次轉軚，足以證明美國根本冇誠意談判！既然侵侵唔想傾，咁我哋就齊齊畀like表態支持祖國，同老美一戰到底！

原圖：央視片段截圖