究竟啲搞事友仲要炒作馬凱單嘢炒作幾耐?香港眾志河童黃之鋒似乎覺得香港外國記者會(FCC)馬凱(Victor Mallet)仲有可以利用嘅地方,居然心生一計,同埋眾志敖卓軒一齊喺美國《時代雜誌》(Time)發文,講啲咩?咪又係唱衰香港!媚外媚到咁,真係人間少見!
黃之鋒同敖卓軒以《世界為何應關注港府驅逐外國記者》(Why the World Should Be Alarmed at Hong Kong's Expulsion of a Foreign Journalist)為題喺《時代雜誌》撰文,內容不離踩吓中國同香港幾咁「打壓自由」之類。佢唔厭,小編都睇到煩喇!
文章話,FCC馬凱係香港回歸以來,第一個被驅逐嘅外國記者,係「大事件」(Big Deal)。之後文章又懶叻咁抹黑,話中國一直都有取消報道不利國家嘅外國記者工作簽證,最後仲例牌咁話件事令香港言論自由受損啊,然而又求英美幫手向中國同香港施壓啊,希望美國國會盡快落實《香港人權民主法》云云。
成篇文章句句都踩中國同香港,再乞求外國幫手打自己國家,究竟係咩心態嘅人先寫得出此等無恥文章?
原圖:無綫新聞截圖、FCC視頻截圖