使用者名稱
使用者電郵
密碼
確認密碼
年齡
性別
Generic placeholder image
想收到的資訊
  • 時事
  • 投資
  • 生活
喜歡的資訊
  • 編輯推介
  • 時事新聞
  • 博客
  • 投資
  • 趣味影片
  • 生活
教育水平
  • 小學
  • 中學
  • 大學
  • 碩士
  • 博士
常用的社交媒體
  • Facebook
  • 微博
  • WeChat
  • Whatsapp
  • Twitter
  • Line
  • Instagram
確認

我們會發送內含重設密碼連結的通知信給您

確認

時事

林鄭,我捨不得拿妳來出氣! 「9·17準時返工」冇得頂

2018.09.20 13:08 時事 葉鳴

「9·17全港打工仔準時返工」,寫下林鄭治港無能的新一章!林鄭今次厲害了!無論左中右 、藍、黃絲、建制、泛民,甚至商界都槍口一致,對住「好打得」的特首狂轟,香港市民鮮有一致、「暢有成效」的齊齊炮打林鄭堅離地! 林鄭當年競選口號「同行 We Connect」,話期望當選後能團結社會喎!估唔到,喺山竹十級風暴襲港蹂躝下,才可實現呢個團結夢:全港市民同一個鼻孔、不分男女階層都攞特首來出氣、痛罵!特首無視市民安危!特首不食人間煙火,只食肉糜! 在路面沒有公共交通工具、面對萬千塌樹等障礙物,全港打工仔9·17要準時返工!

「特首係可以畀人鬧㗎!」

於是要迫爆地鐵站、車資任由小巴、的士宰割!於是用咗三、四個鐘頭返工、再用上兩、三個鐘頭返屋企!今日,我返工靈魂出竅!你話打工仔唔鬧爆特衰政府風後失策又點對得住自己良心?猶幸特首心胸廣闊,笑話「冇問題,特首係可以畀人鬧㗎!」 作為一個領導人,出來「補飛」變自毁形象的「搣飛」,「好打得」原來係呃人嘅!作為一個領導人,全不知變通為何物,全不懂審時度勢評估實際環境,一味死牛一邊頸的話「冇停工機制」,阿姐,乜嘢叫「特事特辦」,乜叫「非常時期用非常手段」?又特首嘅價值何在?不懂英明決策的特首和機器人有分別嗎?為甚麼擁有真權力的特首有權不用?明明錯了還要死雞撐飯蓋?難道香港人都是刁民,只想攞特首來出氣漫駡而不是想選一個可以為民謀福祉、以民為本的特首?

飛上枝頭就不知基層為何物

出自基層的林鄭,飛上枝頭就不知基層為何物,她不懂用八達通自然不知萬人迫暴大圍月台的打工仔徬徨無助的苦況!她不知何處覓廁紙又那會知道「互讓互諒」對打工仔係唔work㗎!點解我日薪五百要豪氣畀過千蚊搭的士返工? 尊貴的特首,我真係唔想攞妳嚟出氣㗎!但係我強忍着怒火與冤鬱難舒的淚水,拳頭擂着滿目蒼荑的香港這個福地,平生第一次爆出一百一十個字的粗口組合!我第一次覺得自己叻過英年早逝嘅鬼才霑叔!多謝你,林鄭!你使我在一次痛苦無奈的返工中——找回自我!「9·17全港打工仔準時返工」萬歲! 經過這次血汗洗禮,無論歷盡幾許艱辛苦痛,一息尚存,從陰間返回人間,我都會準時返工!林鄭,多謝你,我再不捨得拿妳來出氣!拿你來出氣,皆因你讓我找到我自己! 原圖:無綫新聞截圖、星島日報 http://std.stheadline.com/daily/news-content.php?id=1876625&target=2

投票已截止,多謝支持

發表意見

排列方式: