一地兩檢草案昨日終於在混亂中通過一審，將於下月6日二讀。一條利民利港嘅措施要搞咁耐都未過到，當然要「多謝」一班鍥而不捨嘅反對派，咩都話有問題不特只，甚至問一啲超自然幻想問題(可按此重溫報道)嚟嘥時間，眼見議會黃禍不止，就連學生忍唔住都鬧爆班反對派！
有學生接受《文匯報》訪問，表達對反對派嘅不滿。唔問唔知，原來一眾學生都非常討厭佢哋！其中馮同學鬧爆反對派成日搞小動作，制造混亂拖延審議，浪費香港人時間；而張同學就指責反對派為政治目的不惜損害市民利益，係「攞香港人嚟較飛」。
為著未來香港發展，一地兩檢勢在必行，浪費咗咁多時間喺審議上面根本唔值得！好彩有葉太當機立斷，趕走一班搞事議員兼縮短發問時間，才令高鐵通車有望！
原圖：有線新聞截圖、文匯報 http://paper.wenweipo.com/2018/05/08/HS1805080007.htm
投票已截止，多謝支持
返回
