當大家睇緊呢篇六合夜市既時候，筆者已經身在日本東北部既岩手縣食緊海膽飯。所以可以順手預告下，當高雄篇完結之後會順路落去講埋墾丁篇。再之後就會返番去日本，介紹最新既東京。大家密切住HKG報生活版呀！
講番高雄，上文講到，我地可以由美麗島捷運站踩單車去六合夜市，然後由六合夜市踩單車返去國賓大飯店還車再返酒店，咁究竟六合夜市點去呢？睇睇下面既地圖：
六合夜市唔係好大，正如上圖所見，由自立一路起計去到台灣企銀就完。仲短過香港既女人街。加上呢個夜市買野既灘檔並唔多，一心諗住行街既朋友可能會失望。原因係，六合夜市係一個食野既夜市，所以空肚先好黎呀！
高雄捷運既指示會叫大家用美麗島站既出口1，行到假期大飯店之後右轉入自立一路，跟住再右轉入六合二路，咁去六合夜市的。呢個方法係正常既，因為自立一路呢邊先算係六合夜市既入口。咁你一路行到尾就可以從出口11，入番捷運站搭車走。不過由於筆者係租單車踩入去既關係，我就會用出口9出（租單車點在出口９），調番轉咁由尾行番去街頭。
營業時間係下午五點至零晨五點，岩晒鍾意食宵夜既朋友！以下係由六合夜市既正門（即上文介紹出口１）既方向行入去。
睇下六合夜市幾咁瘋狂，連海鮮都可以周街食！呢度好似香港既廟街咁，路中間會有少量枱椅比你慢慢食，而部份灘檔既後面會有間冷氣鋪比你入去食的。不過我就真係唔敢周街食海鮮喇，所以我淨係篤下魚蛋，食下椒鹽花枝丸（超正！）就算。唔食野，就行下玩下睇下野啦。
睇相感受唔到部籃球機有幾大架喇，睇埋再上面張相就會明白，呢部機兩層樓咁高呀！射到手軟。
話咁快就行完，下星期會帶大家去下一個站 － 中央公園站繼續遊高雄，下星期見。
圖：由作者提供，地圖取材自高雄捷運網站
投票已截止，多謝支持
返回
