在全港市民熱切期待高鐵通車之際，反對派繼續出嚟搞搞震，可惜愈搞愈霉，瘀到一個點。「一地兩檢關注組」昨晚在立法會外舉行第3次集會，除咗反對派議員外，DQ4「已完」亦齊齊出席盲反一地兩檢。根據黃媒官方宣傳機構《蘋果日報》數字，集會有「高達」約100人出席。當泛民聲嘶力竭怒反一地兩檢，但支持者個個唔肯出嚟陪佢哋癲，仲唔證明到一地兩檢係民心所向，黃藍齊讚好？咁都唔支持，泛民真係重視民意到加零一囉﹗

記者隨時多過出席者

昨晚集會內容，一如既往都係廢話，無非妖魔化一地兩檢，行出西九會畀人拉云云。今次已經係反對派第三次搞盲反一地兩檢嘅集會，第一次集會得60人，連《蘋果》都廢事報；第二次好少少，根據《東方日報》報道，有近500人嚟；不過事隔一星期，今次又露晒底，極速插水得返100人參加。連《蘋果》都唔好意思吹，你話呢次反一地兩檢反得幾咁肉酸。 三次集會加埋都係得嗰幾百人，仲要唔知入面有幾多係記者同泛民政客，點同全香港700萬市民民意抗衡？唔怪得連暴走女陳淑莊都講到明，之後唔會再搞集會啦，唔係下次記者可能仲多過參加者。齊齊恥笑反對派，畀Like支持一地兩檢！ 原圖：一地兩檢關注組Facebook、Now新聞截圖 https://www.facebook.com/colocationcg/?hc_ref=ARTL7dxSp7kaQMkBj8FwQsiLtCq4ExW_czrscV5xD3oZfzAKr65wM1uHuqdiGildeIw

投票已截止，多謝支持