星期日同大家介紹過沖繩呢個超大既OUTLET。今日會教大家點樣搭車，不過教之前，同大家溫下書先。
從市區黎OUTLET，一落就係TODABOOKS。而旁邊就係Tomiton商場，呢個商場最岩就係食野。然後行過對面就係OUTELT既入口喇。
跟住講左來回機場既巴士先，巴士站位於ABCMART既旁邊：
巴士編號係95號，每一個鐘一班車，機場逢整點開出，OUTLET逢30分開出，車程15分鐘。一般我會介紹讀者去機場利用收費LOCKER鎖好行李，跟住搭巴士過黎殺一個上午，中午食埋野就搭巴士返機場。
大家見到機場開出最早係10：00，即係呢度既店鋪一般都係10：30-11：00左右開鋪。車費好似係\400。
跟住到來往那霸市區既方法：
市區黎呢度可以搭巴士55，56，88，98號去到「アウトレツトモールあしびなー前」站落。一落車就係TODABOOKS書店。上車返出市區就過番對面馬路，如下圖。
近鏡頭呢個亭就係從市區黎到既「アウトレツトモールあしびなー前」站，對面就係返出市區既。不過由於個站名太長，所以巴士上面個報站機都寫唔晒，大家最好抄底呢串日文字，上車時叫司機提你落車吧。由市區過黎車程約20分鐘。
真係影極都影唔晒，車費好似係\470。講完落車講上車點喇。以上幾部巴士當然一定經過旭橋站旁邊既百搭「那霸巴士總站」啦，而中途站包括國際通旁邊既「県庁北口」同赤嶺站。留心下面：
上圖左手邊係國際通入口大家都知啦，右手邊就係県庁北口巴士站，我寫明方向比大家架喇，行車方向係由左向右行(即係要過對面馬路等車)，唔好上錯方向呀。
上面幾張相係那霸巴士總站，不過由於行車方向關係，大家記住唔好入去總站，而係要行天橋去對面馬路等車！
順手影左個時間表比大家參考，一般黎講一個鐘頭有三至四班車，唔算等好耐既。
最後到赤嶺站出發喇，當出左閘之後利用近酒店既出口落到地面就會見到巴士站(單軌站內有指示寫明去OUTLET巴士既方向)。就可以搭番以上介紹過既55，56，88，98巴士架喇。
作者註：本文地圖以及街景相取材自GOOGLE地圖
返回
