經過個幾月既刊登，沖繩篇終於去到尾聲喇。今日筆者會一次過帶大家由頭到尾咁行一次國際通。照舊睇地圖先啦。

基本上地圖上面既食肆，包括琉家黑蒜麵、牧志公設市場同Steak 88扒房都已經介紹過喇，其實除左國際通之外，有三條橫街都幾多野行架，就係地圖既三條紫色線，包括通去牧志公設市場既市場本通り，佢旁邊既むつみ通り街，最後係好多特色野買，包括玻璃同有間塩屋總店既平和通り商店街。

呢個塩雪糕好出名架，買完軟雪糕之後，門口有幾種唔同味道既塩粉比你落。當中朱古力味同綠茶味都係筆者推介的。大家幻想下，朱古力味既塩會係點既呢？去試下啦。

上面呢條路係通去牧志公設市場大家應該記得架啦，而旁邊就係去日本潮聖必到既２４小時營業既激安之殿堂，呢度樓高四層，地庫係超級市場，藥品同日用品。記住，全部都可以做免稅架！！

繼續行下街，全個國際通都有賣手信既手信店。

喺麥當勞對面有呢間卡樂Ｂ專門店，不過好似無薯片賣架喎，同卡樂Ｂ有關既紀念品就好多。跟住再過少少既對面，有動漫迷最鍾意既JUMP STATION。

 

除左JUMP STATION之外，呢度仲有間唔講都搵唔到既Animate。位置係上次介紹既Steak 88扒房正對面既四樓，樓下同外牆完全無招牌，所以筆者去過幾次沖繩都搵唔到，最後要上網睇地址。

地下暫時係一間叫做未來郵便既店鋪，鋪外有部升降機，上到四樓一開門就係架喇。不過入面唔可以影相所以門口影張相就算。

最後，介紹一間特色小食店比大家，就係上圖既新坦本鋪，呢間專賣金楚糕的，好食架。試下啦。

如果大家想進一步知道沖繩，又或者需要PLAN行程等等既協助既話，歡迎ＰＭ本人聯絡。

下星期日開始，會有全新既台灣篇推出，首先介紹既係高雄。近年高雄成為左香港人既新興旅遊店，亦因為墾丁既關係，所以高雄變左必去既中途站。今年七月，高雄輕軌就通車喇，等筆者帶大家去玩下啦。

圖：由作者提供，地圖取材自谷歌地圖

投票已截止，多謝支持