歐盟委員會主席馮德萊恩有一項絕技叫「跟美反中」，唔知道係咪跟美太多、太露骨，竟然感化咗另一種同樣有跟尾習慣嘅動物，喺佢演講結束時給予一番熱情嘅響應，令馮德萊恩同在場嘅議員都十分之尷尬。

12月13日，馮德萊恩喺歐洲議會上發表演講，當她啱講完「讓我哋展示歐洲自信同團結嘅力量，歐洲萬歲」，台下傳來一片熱烈嘅掌聲之餘，仲夾雜住一陣狗吠聲，令在座人士感到好詫異，有人臉露困惑表情，有人笑到掩住個嘴，仲有人當場呆咗唔記得拍手掌。

議會主席梅索拉邊偷笑，邊安撫大家，佢話「親愛嘅同事們，我哋呢度肯定有隻輔助犬」。有報道話，狗叫聲係透過會議室音訊系統喺會場內唔小心播放出來嘅。

歐洲議會社民黨議員盧碧雅開玩笑咁講，呢隻狂吠嘅狗顯然屬於一位視障遊客，佢喺適當嘅時刻表達咗佢嘅感受。

哈哈，唔知係咪暗串馮德萊恩嘅講話實在太精彩了，人唔笑，狗都吠。

馮德萊恩係「中國威脅論」嘅堅定信徒，佢喺今年11月16日嘅一場講話中，起勢強調中國已經唔係十年前嘅中國，仲口出狂言煽動歐盟圍堵中國，佢話如果要令中國走向佢口中所謂嘅正確道路，歐盟成員國應該認清現實。

馮德萊恩認為，當年嘅中國頂多算係一個工業強國，或者講係歐盟一個貿易夥伴，但而家嘅中國已經發生巨大變化，係一個軍事強國、同埋在看待國際秩序時，自己有住獨特理念嘅全球參與者。

不過馮德萊恩絕對唔係讚中國，而係跟佢嘅美國主人同一個鼻哥窿出氣，向歐洲灌輸中國威脅論。老美肯定覺得呢部馮德萊恩牌復讀機好使好用，得閒搵佢出嚟播放下，不管有冇實質作用都好，反正美爹愛聽、受樂就夠了。

不過呢個世界係多元嘅，唔係所有歐洲領袖都好似馮德萊恩咁鍾意跟美。歐洲理事會喺今年3月就曾經明確表態，唔滿意馮德萊恩聯美反中，唔願意同中國脫鉤，有高級官員更直言：歐盟唔係美國嘅附庸。

由於歐洲內部對華態度唔統一，所以馮德萊恩先要成日重複又重複，厚住臉皮hard sell佢果套「跟美抗中」理論。希望呢陣狗吠聲能夠喚醒馮德萊恩早已埋沒嘅人性，唔好再做跟美啦，堂堂正正做返個人啦！

原圖：Ursula von der Leyen X

https://twitter.com/vonderleyen/status/1497973334847414278/photo/1

文章純屬作者個人意見，並不代表本報立場