香港社會現在已經恢復安穩，但仍不能鬆懈，慎防黑暴死灰復燃！喺今日（29日）香港警察隊員佐級協會四十五周年會慶上，警察隊員佐級協會主席林志偉呼籲各位會員同事要提高警惕，目前仍有黑暴餘孽蠢蠢欲動，企圖破壞香港社會繁榮安定；佢希望大家做到居安思危，繼續為香港由治及興努力。
林志偉表示，在《香港國安法》實施、愛國者治港方針落實以及選舉制度完善後，香港社會「似乎」已經重返正軌，但其實仍有暗湧，黑暴分子依然有可能伺機搞事。佢希望大家要提高警惕，喺市民都認為危機不再嘅時候，我們更要「安不忘危，常備不懈」，因為香港實在經受不起恐襲嘅發生。
林志偉強調，社會可以適當咁畀啲迷途知返嘅人改過自身，重投社會；但係對於另外一班死心不息、絕不改過、甚至企圖東山再起嘅人，就必須徹底「趕絕」佢哋嘅生存空間，皆因佢哋選擇咗與整個香港社會為敵。
林志偉最後表示，作為執法者及社會嘅守護者，佢哋會積極主動，做好一切準備，守護香港。
感恩有你！全賴有香港警察全體同仁每日竭盡所能，守護香港，維護社會治安，先可以令市民重新過返安穩嘅小日子，有你哋喺度，我哋有信心！撐你！
原圖：星島日報、警察隊員佐級協會
投票已截止，多謝支持
返回
