「黃色經濟圈」越玩越殘，再有一個重要成員可能隨時摺埋！黃店「桔梗」早前喺社交平台「求救」，叫手Joke多多幫襯，明顯係面臨財困！日前有媒體報道，原來「桔梗」被指自從舊年7月起至少有4間舖頭欠租，2名業主25日入稟高等法院，要求「桔梗」連本帶利還晒所欠租金，連本帶利大嗱嗱307萬元，都咪話唔嘢少。業主仲要求「桔梗」即時將4間舖交吉。

「桔梗」呢4間欠租舖分別位於旺角砵蘭街160號及162號地舖和閣樓，以及砵蘭街164號及166號地鋪和閣樓。「桔梗」的經營者香港郵意（旺角）有限公司在2019年3月18日起，以月租30萬元租用4舖，簽約期為4年。據悉，「桔梗」自舊年7月已欠租，截至今年9月拖欠租金共約307萬元，被指違反租約條款。

手Joke成日話要撐黃店，點解「撐」到人哋冇錢交租咁慘呀？唔通又係口爽荷包立，齋噏？有網民就串爆，不如改名叫「執緊」仲貼切啦！講得好，襯到絕呀！大家有乜想同「執緊」講，歡迎留言討論啦！

原圖：星島日報

https://std.stheadline.com/realtime/article/1441521