黑暴汽油彈狂徒繼續找數！前年2月，6人涉嫌喺油麻地馬路掟汽油彈同埋喺酒店製造汽油彈，其中一名被告、女侍應林天詠（20歲）否認「縱火」及「管有物品意圖損害財產」兩項控罪，之前被判罪成，法官練錦鴻今日（12日）喺區域法院判佢入獄34個月。

本案總共涉及6人。一干人等被控於2020年2月4日，喺油麻地彌敦道與甘肅街交界嘅行車路上作出縱火行為（投擲汽油彈），並在一酒店房間內檢出有關物品。除林天詠外，其餘5人早前已認罪，分別為陳鴻基（26歲）、陳國強（28歲）、劉智曦（17歲）、莫熙陽（18歲）及陳鴻輝（18歲）。唯一不認罪嘅被告林天詠，案發時年僅19歲，係一名單親媽媽，育有1名4歲女兒。

據指，被告與同案其餘5人作案動機為不滿當時政府未全面封關，於是作出投擲並管有汽油彈嘅行為。練官認為被告成長背景複雜，指她身世可憐，加上在案中參與程度低，雖知背景等問題不是有效的減刑理據，但判刑時以3年為起點，酌情減佢兩個月刑期。

無論咩理由都好，喺馬路上掟汽油彈咁樣嘅暴力行為係決不允許，違反法律就要接受懲處找數！

原圖：頭條日報

https://hd.stheadline.com/news/realtime/hk/2378793/