最近專注北上發展嘅李力持導演，早前更加移居咗去中山生活，亦喺珠海設立工作室。投靠內地喺大灣區發展！生活得非常之開心寫意～

早前見到歐洲被熱浪侵襲，更嚴重到熱死人。估唔到堂堂一個大國英國，地鐵竟然會冇冷氣！連李力持導演都忍唔住話：「乜咁落後，我哋覺得地鐵有冷氣係好理所當然。」。香港人一向嘆慣冷氣，但原來幸福唔係必然嘅！

導演更加透露喺內地生活非常舒適，仲買咗部新能源汽車可以周圍走！內地基建四通八達，揸住架車去邊度都好方便。而且租金便宜，幾千蚊劏房價錢就可以租到非市區嘅內地豪宅。似乎力導喺上邊真係住得好開心～

相反見到係英國嘅一班香港人，又要熱餐死、租金貴稅務重開支大，仲要人生路不熟，睇電視都話要交稅。喺香港一直好食好住嘆開冷氣嘅一班手足，又真係好難捱嘅。

睇完李力持嘅介紹，大灣區城市的確發展得有聲有色，係宜居宜業嘅優質生活圈！

原圖：微博圖片、星島日報

https://weibo.com/leetailik?refer_flag=1005050010_

https://std.stheadline.com/realtime/article/1307495/