黑暴中槍逃犯曾志健等4名疑犯被捕,事件背後牽出一個涉嫌窩藏疑犯的組織,震驚各界,早已著草他方的已完羅冠聰自然不放過抽水機會。羅冠聰今早喺社交平台發帖,隻字不提「坑隊友」的涉案組織,竟然將矛頭指向執法者,質疑警方當日「企圖謀殺」曾志健,又假惺惺話「希望他們一眾被捕者安好」,喺外國享受緊自由空氣,講埋啲咁嘅風涼話,難怪連網民都忍唔住串佢啦!
羅冠聰果然係「大文豪」,作文能力相當高強。佢喺貼文寫話曾志健「被你開槍企圖謀殺,以嚴刑控告,被逼躲藏逾年」,明明喺暴動現場,N名暴徒涉嫌襲警、搶槍,喺羅冠聰口中反而變成警方「企圖謀殺」,真係好嘢。
香港係法治社會,曾志健有罪無罪,法庭自有公論,佢仲涉嫌意圖著草,法庭一定會根據現有證據公正裁決。羅冠聰篇文又完全冇提到慫恿疑犯著草兼cap水嘅涉案組織,疑犯被人收埋喺不見天日嘅工廈咁耐,好似仲慘過坐監喎,顯然係患咗「黃色大文豪」經常都有嘅「選擇性失明」!
所謂「站著說話不腰痛」,羅冠聰喺自由嘅國度舒舒服服,可憐手Joke被坑。有網民睇到羅冠聰越洋大放厥詞,就喺下面問佢「咁你幾時返嚟幫手足?」係囉,全港市民都好想知呀!
原圖:星島日報、羅冠聰facebook截圖
https://std.stheadline.com/daily/article/2319794
投票已截止,多謝支持