原來黃店唔止煽暴播「獨」，仲隨時播埋「毒」添！近期疫情反彈，每日近3,000確診數令人心惶惶。食肆理應嚴守抗疫規則，點知上環一家「願X光咖啡館」，竟有店員無視防疫條例，製作飲品時唔戴口罩，嚇親食客。仲有疑似熟客入店時冇掃「安心出行」，店員竟然闊佬懶理，冇要求對方掃返。

該間咖啡館同唔少「黃店」一樣，標榜自己屬「黃色經濟圈」，以吸引黃友長期幫襯。惟近日有媒體收到市民投訴，指該間咖啡館除咗喺店內擺放大量撐暴物品外，店員更「除罩」沖咖啡同傾計，毫無衛生常識。該店喺舉行一個「手沖咖啡精讀課程」期間，咖啡師同學員都冇戴口罩，咖啡師仲近距離講野，口沫橫飛咁疑似講緊沖咖啡心得。若然當中有人確診，其他人應該好易中招。

食肆提供食物，注意衛生是常識吧？點解呢間黃店可以除口罩沖奶茶？支持執法部門徹查，如有違法，必須嚴懲！

原圖：文匯報

https://www.wenweipo.com/a/202207/11/AP62cb681ce4b033218a571a75.html