只要冇犯罪，香港一直都係來去自由的！民主黨前九龍城區議員郭天立喺宣誓後被DQ，之後就宣稱因「個人原因」而走佬。佢噚日（26日）喺社交平台發帖，話月前已還晒被「追討」嘅19萬欠款。

郭天立喺帖文咁寫，「本人月前已全數『退還』被政權證明確實用於區議會職務的$103318.2『開支償還款額』，並同時向政權歸還$21456.1已批出的醫療津貼，以及$67689.6尚欠政府的『預支營運開支償還款』，總數逾19萬。」雖然佢聲稱其他人口中嘅「爭政府錢先走佬」係抹黑，但被DQ後就離港，好難叫人哋唔咁諗喎！

佢話「過去數月在不同國度遊歷」，還完錢都仲有閒錢到處去，本應過得唔錯，但佢又話自己「仍無法暢所欲言、自由活動」，更稱受長期抑壓困擾。佢亦喺帖文中話，「期盼在隔離限制稍為放寬後，回家與朋友相聚，探望昔日一直有探訪的牆內好友和手足」。

其實而家回港只需隔離7日啫，成廿萬佢都還得起，仲有錢周遊列國，都唔差在畀嗰幾千蚊隔離酒店嘅錢啦！從來冇人唔畀佢返香港喎，真係掛住手Joke咪返嚟囉！哈哈！

原圖：郭天立facebook

https://www.facebook.com/RealTonyKwok/posts/pfbid0DWEWZP1pymZRrSFBw7YyKMfKE5nFYgM5HvyvhxnQaFbLbcmDPfPyxdTnY6wPUVJol