香港嘅娛樂圈市場早就唔會局限喺本地，唔少藝人都北望神州，開拓更廣闊嘅天地，其中就包括愛國愛港藝人曹永廉。阿廉喺訪問中表示，考慮舉家遷移內地，呢個想法已經諗咗好耐，最緊要係得到家人同太太嘅支持。阿廉表示：「我鍾意和平沒有仇恨嘅地方，內地社會團結令我可以過平淡嘅生活。」

對於香港娛樂圈嘅睇法，佢表示已經同以往好唔同。市場越嚟越細，佢希望可以去到內地尤其是大灣區發展，根據佢過往喺內地嘅工作經驗，再加上自己又喺內地又有公司，相信適應唔係問題。佢仲話，等事情上咗軌道就會舉家北上，但由於同TVB仲有合約，到時可能要內地香港兩邊走。

曹永廉北上定居呢個諗法絕對係明智嘅選擇！相信佢呢種愛國愛港嘅藝人，返到內地做嘢一定會有更多機會，生活得亦會更加開心。希望佢可以喺演藝事業上百尺竿頭更進一步啦！

原圖：曹永廉微博

https://weibo.com/u/1792947040?tabtype=album&uid=1792947040&index=27