講起港產片嘅發展，早年2003年受惠於港府與中央簽署的《內地與香港關於建立更緊密經貿關係的安排》(CEPA)，港產片進一步納入到國家體制認同嘅範疇內，意味著港產片市場已歸屬內地市場，故喺CEPA下，已經有「合拍片」嘅發展模式，即係中港兩地合作拍攝電影，而其後發展亦愈來愈好，甚至有唔少「合拍片」嘅電影獲獎，例如金獎像最佳影片《桃姐》就是最佳的例子了。

但近年港產片嘅產量有所減少，究竟原因為何？電影《內幕》監製田啟文日前接受傳媒訪問時，發表對港產片未來嘅發展同方向，以及產量減少嘅原因，佢話雖然最近有唔少電影係香港開拍，但仍未回復到2019年前嘅產量，主要原因係受住過去幾年嘅「社會事件同疫情影響」拖慢咗電影復常，而當中更加有好多電影因為咁，而唔能夠到外地拍攝而要推遲，搞到多部電影出現逐部開拍嘅情況，形容所謂復常只係「復常假像」。

至於港產片嘅未來發展方向，佢認為，雖然係大灣區開戲唔同香港般簡單，須跟返內地嘅製作模式，但佢認為「大灣區將會係港產片市場未來嘅發展方向」，佢話：「長遠而言，期待能夠係大灣區出一分力，以大灣區題材為重心去作考慮。如果我哋能係大灣區發揮，或可係過程中，令香港電影人以及唔同持份者有一個明確方向。」佢透露，而《內幕》嘅劇本上，同內地有關部門有進行過反覆溝通先開拍。

田啟文講得啱，雖然係內地開戲嘅流程唔似香港咁簡單，不過港產片係內地有絕佳嘅市場，而且國內民亦好欣賞我哋港產片，從前「合拍片」為港產片帶嚟新嘅發展方向同利益，如今大灣區市場亦會為港產片帶嚟更大嘅成效！期待未來有更多好電影開拍！

原圖：大公報

http://img.takungpao.com/2020/0122/20200122042807638.jpg