繼舊年（2021年）紀錄片節目《無窮之路》感動全國後，TVB再次取得佳績！近期熱播嘅專題節目《尋人記2》掀起全城熱話，節目主打寫實同貼地風，主持方東昇、黃曉瑩、李曉欣及黃靖婷以情動人，將每一個小人物嘅故事展現畀大家，令大家感受到共鳴，裡面嘅小人物就好似身邊嘅鄰居一樣，就連內地網民睇完都大讚呢個節目勁有人情味，又好笑又催淚呀！

獅子山下有著一個個感人嘅小故事。當年新聞新聞報道過嘅「元組級投訴王」、40年代尋人先鋒「非典型婆婆」、獨力支撐家庭嘅單親爸爸、寒夜露宿街頭捱杯麵嘅男孩等……透過呢個節目再次重現觀眾視野，同大家分享經歷點滴，真係百般滋味在心頭。有內地網民就喺著名嘅書影音數據庫兼社交網站豆瓣度留言表示：節目一如既往地好，人情味濃，令人好感動！

正所謂：關關難過關關過。呢個節目好貼地咁令大家領略到，每個人都可能因為有唔同嘅人生經歷，或成長或衰落。但最緊要嘅係，大家咬實牙根一齊捱過，不屈不撓、堅毅勤奮。同舟人、誓相隨，無畏亦無懼！

原圖：TVB截圖