憑電影《十月圍城》攞到第29屆香港電影金像獎最佳導演嘅陳德森,將會擔任TVB藝員訓練班嘅主理!除此之外,今期藝訓班將會首次喺香港同內地兩地招生,相信可以招攬更多精英演藝人才!真係令人好期待呀!
根據TVB官網公布嘅詳情,今期藝員訓練班嘅報名日期為2022年5月23日至2022年6月19日,而報名條件需年滿18歲以上的男女、有閱讀中文能力、可以講流利廣東話,有中五、高中畢業或以上學歷。上課地點為將軍澳電視城,但由於可能會錄取到唔少來自內地嘅學員,因此亦可以喺廣州辦公室遙距上課,無需擔心會受地域或疫情所規限!
聽聞陳德森同曾志偉老友鬼鬼,今次請到Teddy相助,可謂如虎添翼。以陳大導多年嚟喺電影領域嘅專業心得,新學員絕對可以學到嘢,獲益良多。
開拓地域界限,招攬更多唔同嘅演藝人才,今期TVB藝訓班一定會搞得更有聲有色!希望為香港挖掘出更多演藝界嘅明日之星!
原圖:星島、TVB
https://fun.tvb.com/form.php?id=221
投票已截止,多謝支持