孔子站在河岸上，望着奔流不斷嘅河水，感嘆道：逝者如斯夫，不捨晝夜！的確，時光不等人，光陰易逝青春難延！香港回歸祖國，還有個多月就25周年，香港「50年不變」亦已過了一半！
根據《基本法》規定，特首5年一任，可以連任一次，即總共10年，事實上，由董建華完成了第一屆和第二屆部分任期。其後嘅曾蔭權、梁振英、林鄭月娥，冇人做足10年。過去25年，香港特區歷經4位行政長官，佢哋嘅治績，儘管人言人殊，畢竟，香港近幾年來，歷經社會動亂、黑暴及逾兩年疫慌，民生經濟嚴重被打殘，要不是底子好，喺紓困扶貧上總算又保就業又派發消費券等，都逾千億元計，即使依然被轟杯水車薪，之不過，若然連「杯水車薪」都冇，肯定好大鑊！
疫後經濟復甦之路難行，這是全世界都要面對嘅難題！香港百廢待舉，提升管治能力，需要的是德行倶備的人才，而不是「忠誠的廢物」，這方面阿爺都知之甚詳！候任行政長官李家超嘅新班子是否能淘弱覓強、廣納民意忠言而有所改善，筆者和廣大市民仍引領期盼！
港人歷經四位行政長官，相信印象最深刻的莫過於個個都把「房屋問題」視為重中之重，然而，房委會早前公布，截至今年3月底，一般申請者嘅平均輪候公屋時間攀升至6.1年，長者一人申請者嘅平均輪候時間則為4.1年，兩者同創1999年以來新高。等上樓，基層真係望到頸長眼出血！
新政府都話政綱會主打房屋問題，提出增設兩個工作小組統籌加快住宅供應嘅李家超，透露計劃爭取透過壓縮程序，或未來10年房屋策略中後五年嘅部份供應目標推前，提早喺前五年推出。筆者當然樂觀其成，能否做到又是另一回事！筆者一直覺得，執政為民，最重要係睇有冇為人民服務嘅真誠和熱心，心中有民就會千方百計做實事！否則呢頭講完為壯聲勢，那頭好快又冇咗件事！林鄭政府吹水治港，蹉跎歲月至一事無成，應引以為誡！睇吓唔少中產爭相移民，就知政府管治令人失去信心。
阿爺好早前都講，期盼特區嘅管治班子要「有效破解住房、就業、醫療、貧富懸殊等突出問題」，如何貼基層，接地氣，林鄭政府可謂完全見唔到！今趟，筆者當然希望阿爺冇揀錯人，為香港開新篇，武官治港，市民祈求「裝點此關山，今朝更好看」！
原圖：新華網
投票已截止，多謝支持
返回
