香港新冠疫情嚴峻,內地醫護無私援港,卻被黃記者挑機!喺噚日(16日)嘅疫情記者會上,有位Now新聞台嘅女記者唔知有心定無意,竟問「點樣投訴內地醫護」,即時引起市民嘅憤怒!
衞生署衞生防護中心總監徐樂堅隨即反駁,話依家香港疫情嚴重,應該感謝內地醫護來港協助,佢仲暗串嗰位女記者話,「希望大家本着感謝嘅心」,仲話喺呢個時候,市民接受治療先至最重要。
醫管局總行政經理(質素及標準)劉家獻則回應指,內地醫療團隊離開家人,來港幫助我哋照顧新冠病人,我哋必須懷有感謝嘅心。佢仲話無論係讚揚定係投訴,都係按現行機制由病人聯絡部處理,強調公立醫院收到嘅讚揚遠比投訴多,但大家唔會問有幾多讚揚,只會問有幾多投訴。
內地醫護千里迢迢來港支援,卻有黃記者故意挑機問點樣投訴。正如衞生署同醫管局官員話齋,唔該抱住感恩嘅心多謝人哋先啦,一句KO黃友!
原圖:政府新聞網影片截圖
https://www.facebook.com/govnews.hk/videos/648481026426707/
投票已截止,多謝支持