農曆新年過後，黃營又有「喜事」！話說前支聯會主席兼前職工盟秘書長李卓人，前日（12日）喺獄中獨自度過65歲生日，認真大吉利是，睇嚟佢今年都有排行衰運！

佢嘅黃營「戰友」，一早走咗佬去英國嘅前職工盟總幹事蒙兆達，唔知係咪嫌李卓人踎住監過生日好寂寞，竟喺Facebook發文憶述「當年情」，講番5年前同李卓人慶祝60大壽嘅開心時光。蒙兆達仲好感觸咁話，邊個估到職工盟會被迫解散，李卓人竟要喺監獄中度過自己嘅65歲生日。

有網民忍唔住串爆佢，「咁掛住李卓人，你唔入去陪佢？」、「又話齊上齊落？做咩走佬英國？」有網民仲祝坐緊監嘅李卓人，「年年有今日，歲歲有監踎」！

原圖：星島日報圖片

https://std.stheadline.com/realtime/article/1211221